Москалькова кулга алынганнарны җәзаларга ярамаганлыгын әйтте
Кеше хокуклары буенча вәкаләтле вәкил Татьяна Москалькова кулга алынганнарны җәзаларга ярамавын әйтте, дип яза ТАСС.
«Җинаятьчеләрне кулга алу бик кискен формада булуга һәм җинаять кодексы кулга алынуның зыян салып тормышка ашырылуы җаваплылык китерми икәнлегенә карамастан, кулга алынучылар һәм гаепләнүчеләргә карата җәза кулланырга ярамый», – диде ул.
Ул теләсә кайсы процессуаль-оператив гамәлләрнең закон нигезендә башкарылырга тиешлеген әйтте.
24 мартта Басман судына «Крокус»тагы терактта гаепләнүчеләрне алып килделәр. Аларның битләрендә күпсанлы кара көйгән эзләр бар. Берсенең колагы киселгән, икенчесе каталкада. Кремль вәкиле Дмитрий Песков шикләнелеп кулга алынган кешеләрнең бу травмалары турындагы сорауны җавапсыз калдырды.
- Террорда гаепләнүчеләр 2 айга сакка алынды: икесе гаебен таныган
МЧС терактта һәлак булган һәм кем икәнлеге ачыкланган кешеләрнең исемлеген чыгарды. Аның белән ведомство сайтында танышырга мөмкин.
Хәзерге вакытта «Крокус» концерт залын чистарту дәвам итә. Янгын вакытында температура бик югары булу сәбәпле, кайбер кешеләрнең җәсәдләрен табу бөтенләй мөмкин түгел, ди коткаручылар.