«Мерема» раськень фольклоронь морокурось «Культура» телеканалонь эфирсэ! (эрзя)
Ацамковонь 28-це чистэ 13 чассо «Культура» телеканалонь эфирс лиси любительской творческой коллективтнень весе Россиянь фестивалень гала-концертэсь. Концертэсь ульнесь 2025-це иень чадыковонь 28-це чистэ Московсо ды ёвтызе 6 иень фестивалень марафононть цётамотнень, кона ютась «Культура» раськень теварсевксэнть лувсо. Эйсэнзэ пелькстасть эрьва кодамо иень фестивалень лауреаттнэ: любительской театратне ды цирктне, оркестратне ды хортнэ, киштемань ды фольклоронь ансамблятне невтизь Россиянь раськетнень койтнень-кирдатнень сюпавчинть ды неень шкань раськень шкинеманть.
Любительской коллективтнень марто вейсэ мероприятиясонть ульнесть М. Е. Пятницкоень лемсэ государственной академической рузонь раськень хорось ды Марина Девятова. Шкинемань весе номертнэ алтазельть Ине Отечественной войнасо Изнямонь 80 иетненень ды Поленовонь лемсэ кудонь юбилеентень.
“Те кенярксчись, конась кодазь койтнестэ, мелень кепедемань ледстнематнестэ. Изнямонь 80 иетнень ды В.Д. Поленов лемсэ Россиянь раськень шкинемань Государственной Кудонь 110 иетнень топодемстэ минь пшкадтяно ушодкстнэнень, косо чачи раськень морось, киштемась ды валось. Концертэнь эрьва номерэсь – те минек масторонь культурань кодонь пелькс, сонзэ оймензэ…», – тешкстызе пурнавозетненень пшкадемстэ Россиянь Федерациянь культурань министрась Ольга Любимова.
«Культура» раськень теварсевксэнь прявт мероприятиякс улемстэ, 2019-2024 иетнестэ любительской шкинемань коллективтнень весе Россиянь фестивалесь-пелькстамось вейсэндинзе масторонь 1575 коллективтнень.