Instagram-ը Reels-ը բերում է մեծ էկրան
Instagram-ն սկսել է հեռուստատեսության համար նախատեսված Reels հավելվածի փորձարկումը՝ ներկայումս Amazon Fire TV սարքերի համար։
Instagram-ի հեռուստատեսային հավելվածը թույլ է տալիս օգտատերերին ավելացնել մինչեւ հինգ հաշիվ կամ ստեղծել նորը հատուկ հեռուստացույցով դիտելու համար։
Հավելվածը կենտրոնանում է ուղղահայաց տեսանյութերի վրա։ Երբ դուք այն առաջին անգամ բացում եք, այն խմբավորում է դրանք տարբեր «ալիքներով»՝ ըստ թեմայի. օրինակ՝ երաժշտություն, սպորտ, ֆիլմեր, ճանապարհորդություն, խոհարարություն եւ թրենդներ։
Էկրանի նկարները նաեւ ցույց են տալիս երկու համատեղ առաջարկվող հոսքեր՝ մեկը՝ հիմնված անձնական հետաքրքրությունների, մյուսը՝ ընկերների նախընտրածի վրա։
[[gallery1]]
Այն հասանելի է դեռեւս միայն Միացյալ Նահանգներում, աջակցվող սարքերի եւ երկրների ցանկը կընդլայնվի փորձարկման արդյունքների հիման վրա։
Instagram-ը նաեւ նախատեսում է ավելացնել սմարթֆոնը որպես հեռակառավարման վահանակ օգտագործելու եւ ընկերների հետ համատեղ հոսքեր գործարկելու հնարավորություն, այլ գործառույթների հետ մեկտեղ։
[[gallery2]]
TV հավելվածն ունի տարիքային սահմանափակումներ, քանի որ այն նախատեսված է «համատեղ դիտման» համար։ Սոցիալական ցանցը կցուցադրի միայն այն բովանդակությունը, որը համապատասխանում է PG-13 վարկանիշին, որը տրվում է 13 տարեկանից փոքր երեխաների համար անպատշաճ համարվող նյութերին։