Балет биегәндә партнеры төшереп җибәргәч, Гөлназ Асаеваның оча сөяге сынган
28
Гөлназ Асаева «Татарстан – Яңа гасыр» телеканалында «Сөйләшергә вакыт» тапшыруында кунак булды. Балачакта ул биюче булырга хыялланган икән, әмма бәхетсезлек очрагыннан соң моны «билге» дип кабул иткән.
«Оча сөягем сынды. Мин гел гәүдәле идем. Мондый тормыш өчен нормаль булсам, балет өчен – симезрәк. Мин хореография учищесында укыдым, балет дип яндым. Бер көнне партнерым мине тотып кала алмады һәм төшереп җибәрде. Бу – минем өчен язмыш билгесе булды.
Миндә икеләнү бар иде, җырчы булып китәргәме яки опера һәм балет театрына эшкә керергәме, дигән сайлау алдында тора идем. Ул вакытта миңа 15 яшь иде. Шулай да ике һөнәрне дә бергә алып барырга тырыштым», – дип сөйләде җырчы.